A partir dos 600 metros poderían acumularse cinco centímetros en 24 horas
A AEMET activou un aviso laranxa por nevaradas, dado que entre as 00.00 e as 24.00 horas deste venres pódense acumular ata 5 centímetros de neve en cotas superiores aos 600 metros. A cota de neve situarase nas primeiras horas nos 700 metros, para baixar progresivamente aos 400 ou 500, segundo as previsións deste organismo. Ademais, exite a probabilidade de ventiscas. Segundo as previsións deste organismo podería, incluso, chegar a verse folerpas na Estrada e en Cuntis.
Por este motivo a Consellería de Educación optou por suspender as clases nos concellos do chamado Interior de Pontevedra, ademais de parte da provincia de Lugo e da totalidade de Ourense.
No Interior de Pontevedra atópanse os concellos da Estrada, Cuntis, Forcarei, A Lama, Cerdedo-Cotobade, Agolada, A Cañiza, Covelo, Dozón, Lalín, Moraña, Silleda, Campo Lameiro, Fornelos de Montes, Rodeiro e Vila de Cruces.
En canto á previsión para os vindeiros días, o episodio de neve irá remitindo na xornada do sábado, onde a cota de neve situaráse entre os 700 e os 900 metros.
Xornal da Estrada 
Deixar un comentario