Durante a noite a cota podería chegar a baixar aos 400 metros, segundo MeteoGalicia
Pouco antes das 18.00 horas deste venres as folerpas comezaron a deixarse ver nos puntos altos da Estrada. A previsión, segundo MeteoGalicia, é que nas vindeiras horas esas nevaradas poidan rexistrarse en cotas a partir dos 400 metros, polo que se verían afectadas, especialmente, as parroquias do sur do concello.
De feito, a AEMET ten activo para este sábado un aviso amarelo por acumulacións de ata 2 centímetros en alturas superiores aos 500 metros.
Cómpre lembrar que o Concello esparexerá sal polas estradas de titularidade municipal, motivo polo que fixo acopio de grandes cantidades de sal e de maquinaria. Asemade, pediron colaboración cidadá, avisando a Emerxencias das zonas nas que hai placas de xeo.
A Estrada fixo acopio de sal para esparexer na rede viaria
O peor prevese para esta tarde e noite, especialmente en parroquias como A Somoza, Arca, Souto, Codeseda, Sabucedo, Liripio e Olives
Amais, para este sábado suspendeuse gran parte da axenda deportiva desta fin de semana por mor das nevaradas.
Xornal da Estrada 
Deixar un comentario