Preocupación en Reino Unido: Isabel II baixo “supervisión médica”

• “O país está profundamente preocupado por estas noticias”, asegurou Liz Truss, a Primeira Ministra británica.
• Toda a familia estáse dirixindo a Escocia, onde se atopa a raíña.

Os doutores que atenden á raíña Isabel II mostráronse este xoves “preocupados” polo seu estado de saúde e recomendaron que quede baixo supervisión médica. Nun comunicado, o Pazo de Buckingham informou de que a monarca atópase “cómoda” e continúa no castelo de Balmoral, en Escocia.

O príncipe Carlos e Camila Parker viaxaron inmediatamente ata alí para acompañala. O príncipe Guillermo tamén se trasladou ata a residencia estival e agárdase que vaia chegando o resto da familia.

A recén chegada ao cargo de primeira ministra, Liz Truss, asegurou en Twitter que “todo o país está profundamente preocupado polas novas que chegan desde o Pazo de Buckingham”. “Os meus pensamentos están con súa maxestade e a súa familia nestes intres”, agregou.

A reunión do seu Consello Privado ía ser “reprogramada” e a raíña tiña previsto asistir por videoconferencia.

Ademais, a soberana británica permaneceu na súa residencia veraniega no Castelo de Balmoral (Escocia), en lugar de desparazarse a Londres, para recibir en audiencia á nova xefa do Goberno, debido aos seus problemas de movilidade que arrastra desde hai meses.

“Dío todo”

Para a prensa británica, que a Familia Real non dixera nada dos problemas de saúde de Isabel II nos últimos meses e agora si que o faga “dío todo”.

Ademais, a cerimonia de cambio de garda foi suspendida e a BBC está realizando unha programación especial.