A Xunta Electoral Central anunciou que o prazo para votar por correo amplíase ata mañá venres ás 14.00h. Esta decisión chega tras a solicitude realizada por Correos para que os electores que aínda non puideran recoller a documentación por cambio de domicilio ou outra circunstancia poida exercer o seu dereito ao voto.
Segundo os datos ofrecidos polos sindicatos, o 91% dos 2,6 millóns de españois que solicitaron o voto por correo xa votaron. Aínda así, a primeira hora da mañá faltaban 230.000 persoas por votar.
Amais, Correos indicou que 170.000 cidadáns aínda non pasaron pola oficina para recoller a documentación. Este xoves todas as oficinas abrirán ata ás 22.00h con opción de alongar o horario ata que voten todos os que estean na cola.
Xornal da Estrada 
Deixar un comentario