Veciños do lugar de Trabadela, en Ribela, queixáronse de que, desde hai varios anos, cando chove con intensidade éntralles a auga nas casas dado que se xunta a auga da pista principal cunha da parcelaria. Amais, apenas hai desaugadoiros e, segundo contan, os poucos que hai están atascados.
Ditos veciños levan desde o inverno pasado pedindo melloras e xa presentaron varias solicitudes no Concello e dixéronlles que o mirarían, pero as solucións aínda non chegaron.
Esta situación podería volver a repetirse esta noite, cando se prevén importantes acumulacións de auga no concello, estando activo un aviso amarelo pola posibilidade de que se acumulen ata 15l/m2 nunha hora, segundo a AEMET.
Xornal da Estrada 
Deixar un comentario