Moitas das marcas foron invalidadas polo vento
Os fortes refachos de vento da borrasca Domingos fixeron que moitos dos bos resultados dos atletas do Atletismo A Estrada quedaran invalidadas, xa que o seu empuxe a favor ou en contra era excesivo.
Eva Gil regresou con moi bo sabor de boca á competición tras varios meses de lesión: impúxose nos 60m valos absolutos cun tempo de 10.69 segundos. En categoría sub18 desta proba, Lía Vázquez quedou segunda parando o crono en 10.66 segundos. Non correu a mesma sorte Celia Portela, que perdeu a carreira xa no inicio. Finalmente, rematou a proba cun tempo de 12.41 segundos.
O vento fíxose notar nos 60m valos dos sub16, onde descontrolou ás atletas e fixo que estas atopáranse de súpeto cos valos, impedindo carreiras limpas. A representante dos estradenses na proba, Carla Pintor, quedou terceira marcando un tempo de 11.62 segundos.
Arauia Al Bachere gañou nos 200ml absolutos, sendo aínda sub18, cun tempo de 26.34 segundos. Pedro Coutinho estreouse como sub18 nos 200ml, onde quedou terceiro cun crono de 25.84 segundos.
A única marca válida para os atletas estradenses foi a que marcou Noa Barros, que debutou como sub16 nos 600ml. Barros comezou a proba reservando, o que fixo que quedara en segundo posto da serie e terceira da xornada cun tempo de 1:52.54.
Na xornada deste domingo outros atletas do clube estradense correrán o Cross Nacional Ponte Romana que se celebra en Lugo.
Imaxe de portada:
Eva Gil, Carla Pintor, Celia Portela e Lía Vázquez en Vigo // Atletismo A Estrada
Xornal da Estrada 
Deixar un comentario