O PSOE pide un informe de seguridade na PO-841
Na xornada de onte instalouse un lomo de burro na Rúa San Paio, a poucos metros da curva da gasolineira Repsol. Esta medida, que foi acompañada dunha redución da velocidade máxima a 30km/h, realízase para intentar reducir a alta siniestralidade dese tramo da rúa, que é de titularidade autonómica.
Esta medida lévase a cabo despois de que as anteriores – eliminación do pulido do asfalto e instalación de semáforos no cruce con Gradín – non tiveran efecto.
O PSOE pide un informe de seguridade
O PSOE solicitoulle ao Concello que a Axencia Galega de Infraestruturas realice un informe sobre a seguridade viaria na PO-841 no que se lle preste atención á situación do firme antideslizante do casco urbano, ao carril de incorporación ao polígono de Toedo, á situación do firme en Baloira, nos cruces co centro de saúde do Souto de Vea (San Xurxo de Vea) e coa EP-7007 (Couso), aos carrís de saída cara os lugares de Barco, O Castro e Igrexa (Couso), ás medidas de calmado do tráfico no km 13 – onde hai unha parada de autobús escolar nas dúas marxes da estrada – e á liña discontinua que hai despois da ponte de Pontevea para permitir a saída de vehículos do lugar de Barco.
Imaxe de portada:
Lomo de burro colocado na Rúa San Paio // PSOE A Estrada
Xornal da Estrada 
Deixar un comentario