Darío Míguez, xogador do Club Bádminton A Estrada, desprazouse ata Granollers para disputar o Campionato de España sub15. En individuais perdía no primeiro enontro, no que xogaba contra o madrileño Miao Ruifeng. En dobres mixtos conseguiu chegar a cuartos coa súa compañeira Sara del Castillo. Neste caso, perderon contra Pablo Sanz e Polina Prykhodko. Nos dobres masculinos, coa compañía de Hugo Sanz, conseguiu o bronce tras perder contra a parella formada por David Carbajal e Asier Torres.
Con este bronce remata a tempada de Campionatos de España, que valoran positivamente, aínda que recoñecen que teñen “ganas de máis”. Agora van tomar un descanso no que a competicións se refire para “volver coas pilas cargadas”.
Imaxe de portada:
Darío Míguez e o seu técnico Jesús Pereiro // Club Bádminton A Estrada
Xornal da Estrada 
Deixar un comentario