En 2023 Emerxencias A Estrada tivo que facer 1266 intervencións, o que supón unha media de 105,5 intervencións por mes e un aumento de 41 intervencións respecto ao ano anterior.
Na maioría dos casos foron traslados en ambulancia (834), aínda que tamén destacan os cortes e retiradas de árbores (206). En todo o ano saíron a 54 incendios urbanos, 33 rescates de persoas, 28 limpezas de calzadas e 27 retiradas de elementos perigosos.
Desde Emerxencias atenderon 16 accidentes con atrapados, 14 incendios en vehículos, 13 preventivos que estaban programados e 8 incendios industriais. Tamén tiveron que saír a botar sal polas placas de xeo en 8 ocasións.
As emerxencias ás que menos veces tiveron que acudir foron incendios forestais (7), rescates de animais (5), escapes de gas (4), derrumbamentos (3), accidentes sen atrapados (2), simulacros, colaboracións coa Garda Civil, accidentes con mercadorías e ventilacións por combustión (1 cada unha).
Imaxe de portada:
Imaxe de arquivo dun accidente múltiple en Toedo // Agrupación de Voluntarios de Paramá San Andrés de Vea
Xornal da Estrada 
Deixar un comentario