O paro baixou un 2% no concello

Hai un 21% de parados menos que a principios de 2023

Esta mañá déronse a coñecer os datos do paro do mes de decembro. Na Estrada esta cifra reduciuse en 16 persoas ata quedar nos 770 parados, un 2,04% menos respecto ao mes de novembro.

Por idades, 27 dos parados teñen menos de 25 anos e, 743, máis desta idade. Por sexos, hai 144 mulleres desempregadas máis que homes (313 homes sen emprego e 457 mulleres).

Por sectores, no que máis desempregados hai é no servizos (511), seguido de industria (104), construción (65) e agricultura e pesca (34). Os 56 restantes non tiveron emprego antes.

201 parados menos desde que comezou o 2023

O ano despediuse con 201 parados menos que a incios do 2023. Isto supón un 20,7% menos de desempregados e continúa coa tendencia do ano anterior, no que a remate de ano había 97 empregados máis.