O domingo 21 ás 19.00h no Teatro Principal a Big Band e Coro Carlos Barruso actuará coa compañía de Joan Chamorro, director da Sant Andreu Jazz Band de Barcelona.
Chamorro sabe tocar os saxos baixo, barítono, tenor, alto e soprano, o clarinete, o clarinete baixo, a frauta, a corneta e o contrabaixo. Fundou a Sant Andreu Jazz Band en 2006, banda da que saíron músicos con carreiras internacionais consolidadas como Andrea Motis, Rita Payés ou Èlia Bastida. Con esta agrupación fixo numerosos concertos fóra das fronteiras españolas.
O director conseguiu coa Sant Andreu Jazz Band o Premio Orquestas dos Premios Arc de la Música Catalana (2011) e os premios Enderrock a mellor disco e á mellor nova proposta de Jazz con Joan Chamorro presenta la Màgia de la Veu e Joan Chamorro presenta Rita Payés (2015), entre outros.
Xornal da Estrada 
Deixar un comentario