No Rally de Montecarlo un pequeno erro poderá decidir cal é a parella gañadora en WRC2. O búlgaro Gryazin comezaba a xornada cunha vantaxe de 1,3 segundos sobre a parella conformada polo madrileño Pepe López e o estradense David Vázquez.
No primeiro tramo deste sábado, os españois gañáronlle 0,2 segundos, aínda que no seguinte perderon 4 segundos e, ao final da mañá, Gryazin contaba con outro segundo máis de vantaxe.
A tarde comezou con López e Vázquez colocándose primeiros tras rematar o primeiro tramo 10,8 segundos máis rápidos que o búlgaro. O día rematou con Gryazin recuperando a primeira posición, aínda que sen gran vantaxe.
A xornada deste domingo comezará con López e Vázquez a dúas décimas de Gryazin e Aleksandrov e coa parella francesa formada por Rossel e Dunand a 6,9 segundos.
Imaxe de portada:
Coche de López e Vázquez // WRC
Xornal da Estrada 
Deixar un comentario