Estudantes do García Barros farán un tour por Grecia

Estudantes de 1º e 2º de bacharelato do IES Manuel García Barros farán un tour por Grecia. A viaxe comezará este venres e rematará o xoves.

Nesta viaxe cultural, os rapaces coñecerán a cidade de Atenas, con moitos dos seus puntos de interés, o canal de Corinto, o teatro de Epidauro – onde se pode escoitar sen problemas o que acontece no escenario desde o punto máis alto das gradas -, Micenas, onde se atopa a Tumba de Agamenón; Olimpia, lugar de celebración dos primeiros Xogos Olímpicos; Delfos, coñecido como o embigo da Terra; e dous mosteiros de Meteora, tamén coñecidos como os mosteiros “suspendidos no aire”.

Imaxe de portada:

IES Manuel García Barros // XAÉ