Dous estradenses atópanse nas listas de dous partidos distintos para as eleccións do vindeiro domingo. Amais, preséntanse en dous partidos completamente opostos, pois Xoán Reices é do BNG e, Gonzalo Louzao, do PP.
Xoán Reices licenciouse en psicoloxía, é administrativo nunha empresa e portavoz do BNG na Estrada, partido ao que pertence desde que foi elixido nese cargo en 2022. É compoñente da banda Noxo e foi o protagonista do filme Eles transportan a morte. Reices vai como número 16 pola provincia de Pontevedra.
Gonzalo Louzao traballou como becario de investigación no Departamento de Urbanismo e como becario de marketing da Vicepresidencia e da Consellería de Presidencia, Administracións Públicas e Xustiza. Desde 2019 é o responsable da Concellería de Urbanismo da Estrada. Louzao atópase nas listas como terceiro suplente.
Xornal da Estrada 
Deixar un comentario