Luis López Bueno, líder do PSOE da Estrada, reclamou no pasado pleno que A Estrada consiga vivendas de protección autonómica nos 3 anos que quedan de mandato.
Por iso cre que o concello debe conseguir investimento do Instituto Galego de Vivenda e Solo (IGVS), aínda que “das 8000 vivendas prometidas” por Rueda no pasado mes de abril (en xaneiro eran 20.000) “non creo que cheguemos sequera á metade”.
“Rueda non anunciou cambios nos criterios do IGVS e polo tanto as vivendas públicas seguirán construíndose exclusivamente nas cidades”.
Para López Bueno é necesario “deseñar una política de vivenda propia da Estrada porque non a hai, e facilitar a promoción privada para conseguir inversións no noso concello”.
Segundo o socialista, o PP non está sabendo aproveitar a situacion na que se atopa Santiago, con “prezos prohibitivos” que fan que as familias se fixen noutros concellos próximos. Mentras, comentou, estáse dando a paradoxa de que hai problemas á hora de mercar e alugar cando en 10 anos se pasou de 1900 vivendas baleiras a 4000.
Xornal da Estrada 
Deixar un comentario