O PSOE presentou no Concello unha moción encabezada pola súa concelleira Belén López para que se constrúa unha pista de petanca no casco urbano. López destacou o baixo custo do equipamento e que é un deporte “que pode practicar calquera veciño ou veciña” e de calquera idade.
Ademais, comentou que cada vez hai máis interesados en inciarse neste deporte popular e, incluso, existe a intención de crear un clube local.
Valorou que este espazo poderíase situar na Praza da Feira ou na Carballeira de Melania e que debería ser un espazo cuberto para poder xogar nos días de chuvia.
Remarcou que esta proposta é diferente á dos xogos populares que se instalaran na antiga alameda, que“non tiveron ningún éxito porque non había demanda, porque non se lle fixo promoción e porque as instalacións deixaban moito que desexar”.
Imaxe de portada:
Praza da Feira // O Xornal da Estrada
Xornal da Estrada 
Deixar un comentario