Máis de 150 persoas manifestáronse este sábado contra os novos macroproxectos eólicos que se pretende levar a cabo nas comarcas de Tabeirós-Terra de Montes e Pontevedra.
Fíxose un roteiro duns 4 quilómetros polos montes onde se celebra cada ano a Rapa das Bestas, e que se verán afectados pola instalación das turbinas.
Dito roteiro tiña, orixinalmente, 15 quilómetros, pero foi recortado polas previsións de mal tempo para esta xornada. O acto estivo organizado pola Asociación Rapa das Bestas de Sabucedo, pola Asociación de Veciños de Sabucedo, por Alarma na Terra de Montes, polo Colectivo do Vento e polo Eido do Cervo.
Imaxe de portada:
Participantes no acto // cedida
Xornal da Estrada 
Deixar un comentario