Na tarde deste martes tiña lugar no Teatro Principal a presentación da Revista Viva Nós de Nós, do IES Número 1.
Os asistentes desfrutaron das historias de Celso Fernández Sanmartín e de Xurxo Souto, da música deste último e de Á Par do Canto, da obra de teatro interpretada polos que participan no grupo de teatro e do baile dos que rematan cuarto da ESO.
Ademais, proxectouse o vídeo de Noa Barros que gañou o Concurso de videopoemas sobre composicións poéticas de Rosalía e Manuel María e entregáronse os premios do Campionato de Xadrez e o IES-G, que recibiu Anacos Educativos.
Ás 20.00h comezou na Casa das Letras a presentación do libro Somos un pobo de artistas. O método Luísa Villalta, do escritor, músico e activista coruñés Xurxo Souto.
Imaxe de portada:
Anacos Educativos recibe o Premio IES-G // XAÉ
Xornal da Estrada 
Deixar un comentario