O quinto día de partidos da AE League deixounos goleadas e partidos emocionantes, pero tamén dous momentos para esquecer.
O primeiro vivíase no partido que enfrontaba a Soldadores e Picaflautas, cando nun momento no que o balón estaba parado, un dos xogadores do Soldadores empurrou e doulle unha cabezada a outro do Picaflautas. Nese momento non recibiu ningún tipo de amonestación, pero trala protesta do equipo do agredido, Soldadores podería ser descalificado da competición. O partido rematou 7-4 con vitoria de Soldadores.
O segundo chegaba no encontro entre o Inter de Campelo e o Castro. O Campelo só necesitaba empatar para asegurarse a primeira posición do grupo e o pase directo a cuartos de final, pero decidiu golear ao Castro.
O marcador final marcou un 19-5 a favor do Campelo, pero os 5 goles do Castro realmente foron 6, só que un anulouse dado que antes do gol un xogador do Campelo tumbara dunha patada no nocello a un xogador do Castro, que requeriu de axuda para poder saír do campo.
O xogador do Campelo non recibiu ningún tipo de amonestación e tampouco se pitou falta.
Por sorte, ningún dos involucrados en sendos incidentes resultaron feridos, dado que o xogador do Castro conseguiu regresar ao terreo de xogo varios minutos despois.
Polo demais, o Garretillo perdeu 5-11 fronte ao Inter de Compostela, o Racing Padronés perdeu 6-5 contra o Porcos, o Cabras Montesas, 5-6 ante o Shakhtar Portela e, o Unión, 4-7 contra o Moraña.
Imaxe de portada:
Momento da patada a un xogador do Castro // AE League / Captura de pantalla
Xornal da Estrada 
Deixar un comentario