Cos recibos do IBI chegando ás casas, Móvete volveuse a manifestar sobre a suba do imposto. Para eles, que a subida coincidira “nun momento de suba xeralizada dos prezos é unha mostra máis da falta de sensibilidade que [o goberno local] ten coa vida das persoas”. Afirman que o executivo terá que “aprender a xestionar e non seguir despilfarrando para despois saquear á veciñanza”.
Desde o partido aseguran que a suba foi “feita a mala fé, posto que se aprobou cos votos únicos do PP tras os comicios das eleccións municipais, sen ter anunciado nada durante a campaña electoral”, algo que, segundo eles, demostra a “manipulación e oscurantismo na xestión pública”. Para eles, o incremento da cantidade a pagar non vai supoñer “unha mellora nos servizos”.
Imaxe de portada: Edificios da Estrada // O Xornal da Estrada
Xornal da Estrada 
Deixar un comentario