Este venres sobre as 20.00h un camión rompeu os cables da liña troncal de fibra, deixando aos servizos municipais e a varios particulares sen conexión a Internet. Produciuse porque enganchou nalgún dos cables aéreos que hai entre a avenida Benito Vigo e a rúa Ponteareas.
Desde A Estrada Dixital estiveron traballando na propia xornada do venres varias horas para intentar subsanar a incidencia e este sábado continuaron buscando solucións, sen poder conseguilo. As previsións son de que se tarde varios días en restablecer o servizo porque é necesario cambiar todo un tramo de liña.
O camión foi identificado pola Policía Municipal e será o seu seguro o que costee as reparacións. Entre os cables afectados, ademais dos de A Estrada Dixital, pode haber outros doutras compañías.
Xornal da Estrada 
Deixar un comentario