Fillo dun galego e dunha lituana e artista polifacético, controvertido e peculiar. Este é Baldomero Calviño, un estradense que próximamente terá a súa biografía nas librarías grazas á nova novela do estradense José Manuel Bouzas.
A través das páxinas de Calle Cuba 759, poderemos coñecer as súas vivencias en España e en Cuba. Grazas á autenticidade das súas emocións, abriráse a porta á reflexión dobre a autenticidade, a perda, a dor, o exilio, a nostalxia e a resiliencia.
Engancharse a esta obra será fácil grazas á súa narrativa amena e coloquial e o propio lector poderá coñecer os lugares nos que se ambienta, escoitar a banda sonora do artista ou visitar a súa páxina web a través dos códigos QR e arquivos multimedia que conterá no seu interior.
A portada está deseñada por unha intelixencia artificial e foi retocada por unha deseñadora gráfica.
Calle Cuba 759 estará dispoñible nas librarías a finais do mes de novembro.
Xornal da Estrada 
Deixar un comentario