Sabucedo celebrará unha nova edición do Musa

Sabucedo celebrará este sábado unha nova edición do Musa. Ás 9.45h comezará unha andaina comentada da Ruta de Sabucedo na que se recollerán cogomelos e castañas. Ás 12.00h haberá unha xuntanza no Muíño do Mestre e, media hora máis tarde, comezará o concurso infantil Coñecendo o meu pobo. Aos dez minutos dará inicio un obradoiro de pan e filloas e, ás 13.00h, celebraráse a charla-coloquio A literatura oral no ciclo do pan no Muíño do mestre.

Ás 13.30h actuará Airiños de Caldelas e, unha hora máis tarde, comezará o xantar no Campo do Medio. Ao remate terá lugar a sobremesa musical Sabucedo tamén canta. Ás 16.30h haberá un obradoiro de calacús, candeas, vestimentas e maquillaxe e entregaránse os premios do concurso. Un cuarto de hora máis tarde terá lugar a charla Té galego, alternativa no rural e, unha hora despois, presentaráse o proxecto Galicia latente.

Ás 20.00h procesionarña a Santa Compaña, ás 20.30h leránse os responsos e faráse a queimada. Desde as 21.00h celebraráse o magosto ao carón do Teleclube e, ás 21.30h, representaráse a obra Barriga Verde. A verbena correrá a cargo de Raúl y Cia.