A permanencia da farola da Farola na súa ubicación actual gañou co 70% dos votos. Un resultado que, para moitos, era previsible pola carga simbólica dese punto.
Novembro 2023
Abre o prazo para presentar os primeiros proxectos.
Luis López Bueno, voceiro do PSOE, agarda que o proxecto que se elixa manteña o icónico farol.
Este proceso rematará sendo anulado para que primen as cuestións técnicas fronte ás económicas.
Xuño 2024
Anúnciase que non se vai requerir a permanencia do farol.
O PSOE e o BNG rexeitan o anuncio.
Agosto 2024
Abre o prazo para presentar o proxecto de peonalización. Finalmente, obrígase a colocar o farol nalgún punto de importancia da praza.
Setembro 2024
Dos tres proxectos presentados, elíxese o de Galaicontrol, que traslada o farol ás proximidades da estatua da Rapa das Bestas. Desde a oposición rexeitan a reubicación. Moitos estradenses mostran a súa disconformidade coa decisión.
Proxecto de peonalización Outubro 2024
O PSOE organiza unha recollida de sinaturas e unha manifestación contra o traslado. Firmarán case 2000 persoas e colabora toda a oposición.
Gonzalo Louzao critica que López Bueno votara a favor do proxecto na Mesa de Contratación cando mostra a súa oposición a el. O socialista responde que, votar o contrario, sería “prevaricar”.
17 de outubro 2024
Trinidad López, enxeñeira de Galaicontrol, defende o traslado: “É como deixar un piar no medio do salón”.
19 de outubro
En torno a un cento de persoas maniféstanse contra o desprazamento do farol. Fano nunha xornada de chuvias que, por momentos, son intensas.
Manifestación 1 de novembro 2024
Aparece un ramo de flores no farol
2 de novembro 2024
Gonzalo Louzao anuncia a convocatoria dun referendo para votar a ubicación do farol e o farol que se colocará.
8 de novembro 2024
Primeiro día de votación. Votan 660 persoas, duplicando aos votantes de todo o referendo da praza da Feira.
9 de novembro
Votan outras 500 persoas. A participación final márcase en 1179 estradenses e gaña a opción de manter o farol nunha ubicación igual ou similar á actual tras conseguir 820 votos (70% dos totais). Tamén se decide que permaneza o actual.
Ringleira para votar
Imaxe de portada: Reconto dos votos // O Xornal da Estrada
Xornal da Estrada 
Deixar un comentario