O martes e o mércores celebraráse no Teatro Principal a VII Mostra de Teatro Escolar Olimpio Arca, conmemorando o aniversario do escritor. O mestre entendía o teatro como un complemento fundamental da docencia, dándolle un espazo fundamental nas súas aulas.
O martes, ás 18.30h, arrancarán as actuacións do CEIP do Foxo, do CEIP de Figueiroa, do CEIP Villar Paramá, do CEIP de Oca e do IES Avelina Valladares (o antigo IES Nº 1). O mércores, a partir da mesma hora, será o turno do CEIP Cabada Vázquez, do CEIP Pérez Viondi, do IES Antón Losada Diéguez e do IES Manuel García Barros.
A Asociación Cultural Vagalumes, organizadora do evento, convida a toda a veciñanza a asistir para gozar do teatro e apreciar o talento dos rapaces e rapazas e do profesorado implicado no proxecto. A entrada ao teatro será libre e gratuíta.
Xornal da Estrada 
Deixar un comentario