A AGASP acolleu este mércores un acto de entrega distintivos de permanencia e de medallas ao persoal da Policía Autonómica (UPA). Nel estiveron presentes o alcalde, Gonzalo Louzao, o conselleiro de Presidencia, Xustiza e Deportes, Diego Calvo, o secretario xeral de Emerxencias e Interior, Santiago Villanueva, e o comisario xefe da UPA, Jorge Rubal.
Recoñeceuse a permanencia de 40 axentes, dos cales 13 recibiron cruces de bronce por levar máis de 30 anos de servizo, e entregáronse seis distincións honoríficas a persoal alleo á unidade policial pola súa continuada colaboración desde as súas diferentes responsabilidades.
O conselleiro agradeceu a labor dos galardoados e, en especial, a toda a UPA. Lembrou que a policía autonómica participou na axuda da Dina e solicitoulle ao Goberno do Estado que complete as máis de 100 prazas vacantes.
Imaxe de portada: As autoridades posan cos recoñecidos // Consellería de Presidencia, Xustiza e Deporte
Xornal da Estrada 
Deixar un comentario