O sábado a Banda Municipal da Estrada celebrou a súa Asemblea, na que se renovou parte da directiva. Continúan nos seus cargos Carlos Vinseiro (presidente), Rubén Calviño (vicepresidente) e Candelaria Vilas (secretaria). O posto de tesoureiro ocuparáo Severino Couceiro e, os de vocais, Luis Vinseiro, Manuel Barcala, Paula Fandiño, Diego Gómez, Rodrigo García e Eloy Rivas.
No seu calendario atópanse esta fin de semana o IV Concurso de Solistas da Escola da Banda de Música Municipal da Estrada, o concerto de solistas (23 de marzo), o IV Curso instrumental (do 14 ao 16 de abril), o IV Festival de Bandas Xuvenís (maio) e o festival fin de curso da Escola (19 de xuño) e 25 participacións en festas deste verán.
Xornal da Estrada 
Deixar un comentario