Xoán Reices, voceiro do BNG da Estrada, lamentou que se destinen 140.000 euros ao mantemento de 7 zonas axardinadas do concello, entre o que se inclúe a instalación dun photocall na Alameda co nome do concello, que se podería iluminar con luces LED.
O nacionalista argumentou que “é unha indecencia gastar 140.000 euros en xardíns, cando hai máis de 30 familias en lista de agarda do servizo de axuda no fogar; son máis de 30 persoas dependentes que precisan dun servizo que o concello non lle dá, por que ‘disque’, non hai cartos”, ao que lle sumou o estado dos viais no rural.
Por iso pediulle a Gonzalo Louzao “que adique os seus esforzos a cuestión máis importantes para o día a día dos veciños e veciñas da Estrada; xa abonda de políticas cara para a galería, mentres ten as necesidades vitais da veciñanza abandonada”.
Imaxe de portada: Xoán Reices // O Xornal da Estrada
Xornal da Estrada 
Deixar un comentario