A Escola Infantil ofertará 37 prazas

A Escola Infantil Municipal ofertará para o vindeiro curso 37 prazas das que 16 serían para rapaces de 0 a 1 anos, 13 para os de 1 a 2 anos e 8 para os de entre 2 e 3. O prazo de inscrición abrirá o vindeiro luns e rematará co final da primeira quincena de abril.

Será necesario entregar na escola a solicitude ben cumprimentada e a documentación requerida, como pode ser a fotocopia do Documento Nacional de Identidade (DNI) da nai, pai e, se fose o caso, representantes legais; fotocopia e orixinal do libro de familia; fotocopia do xustificante da ocupación laboral, dúas últimas nóminas ou último recibo da cota de Seguridade Social no réxime especial de traballadores por conta propia; fotocopia e declaración do IRPF dos proxenitores; ou fotocopia e orixinal do título de familia numerosa, de ser o caso, entre outros documentos.