San Miguel de Barcala celebra as súas festas patronais

San Miguel de Barcala celebrará esta fin de semana as súas festas na honra de San Miguel e de San Roque.

O sábado ás 12.30 actuará a Asociación Cultural Os Pereiriños. Ás 13.00h oficiaráse unha misa solemne, á que seguirá unha sesión vermú co grupo Mar de Arousa. Tanto durante a sesión vermú coma á tarde haberá inchables para os pequenos da casa. Á noite, a verbena correrá a cargo do grupo Mar de Arousa.

Ás 13.00h do domingo actuará a Banda de Música Municipal da Estrada e, ás 13.30h, será a misa solemne. Ao remate desta, a Banda de Música Municipal da Estrada porá música á sesión vermú.