Este sábado ás 12.00h o Pico Sacro acollerá a lectura do “Alba de Gloria”, nun acto organizado pola Federación Galiza Cultura, da man da AC. O Galo e a AC Vagalumes. Con este texto de Castelao lembraráse a subida ao Pico Sacro do autor, así como o 75 aniversario do seu pasamento e a fundación das Irmandades da Fala.
Ás 12.00h daráse inicio ao acto coa intervención de Manuel Rey, profesor que estudou a figura de Castelao. Media hora máis tarde comezará o ascenso ata o cumio, onde se lerá o texto. Baixaráse ás 13.30h. Ás 15.00h xantaráse no val do Ulla, tendo que levar cada asistente a súa propia comida e bebida. Para rematar, ás 17.00h sairáse dirección Santiago de Compostela para visitar a exposición Traxes e colores de Galiza. Identidade Nacional nas artes Plásticas de Castelao, mostra comisariada por David Quiñones e promovida por pola Asociación Etnográfica Sete Espadelas.
Xornal da Estrada 
Deixar un comentario