Esta fin de semana Berres celebra as festas na honra da Virxe do Amparo, que comezarán o sábado e alongaránse ata o luns. O inicio marcaráno as bombas de palenque e o repenique das campás da capela de Rocaforte. Na tardiña do sábado tocará a charanga Tíralle do Aire e a verbena correrá a cargo de Mar de Arousa e da Disco Móbil Apocalipsis.
O domingo comezará con foguetes nos ceos da parroquia. Ás 13.00 horas oficiaráse unha misa solemne. O pasarrúas, que comezará ás 11.00 horas, a sesión vermú e a verbena correrán a cargo das bandas Municipal de Silleda e de Música Artística de Merza.
O luns as bombas voltarán marcar o inicio da xornada. Ás 13.00 horas oficiaráse unha misa solemne, que será precedida polo pasarrúas e seguida da sesión vermú, ambos coa música da Banda Municipal da Estrada. Á noite, a verbena estará amenizada polas orquestras Saudade e Tango.
Xornal da Estrada 
Deixar un comentario