Os lumes continúan afectando os montes galegos. Estes son os datos ata ás 20.30 horas deste mércores dos que informou Medio Rural:
Provincia de Lugo
- Samos-Santalla: controlado, 200 hectáreas.
- A Fonsagrada-Monteseiro: controlado, 150 hectáreas.
Provincia de Ourense
- Chandrexa de Queixa-Requeixo: activo, 4.500 hectáreas
- Chandrexa de Queixa-Parafita: activo, 1.800 hectáreas. Afecta a Manzaneda.
- Maceda-Santiso: activo, 1700 hectáreas. Afecta a Montederramo.
- Vilardevós-Vilar de Cervos: activo, 20 hectáreas. Orixinouse ás 18.09 horas do mércores.
- Oímbra-A Granxa: activo, 2.500 hectáreas. Afecta a Montederramo.
- A Mezquita-A Esculqueira: activo, 2.000 hectáreas.
- Ourense-Seixalbo: estabilizado, 100 hectáreas.
- Maceda-Castro de Escuadro: estabilizado, 450 hectáreas. Iniciouse en entre cinco e seis focos simultáneos.
- Vilariño de Conso-Mormentelos: estabilizado, 180 hectáreas.
- Montederramo-Paredes: estabilizado, 120 hectáreas.
- Vilardevós-Moialde: estabilizado, 40 hectáreas.
- Verín-Mourazos: controlado, 9 hectáreas.
Provincia de Pontevedra
- Dozón-O Castro: activo, 400 hectáreas. No mediodía do mércores desactivouse a Situación 2 pola proximidade das lapas ao núcleo do Castro. Cruzou a AG-53.
- Souto-A Estrada: controlado desde martes, 20 hectáreas.
Incendios informados por concellos
- Troáns-Cuntis: extinguido, 1.000 metros cadrados.
Confinamentos, evacuacións e desaloxos
Desde o martes sucédense as noticias de confinamentos, evacuacións e desaloxos. O máis importante foi o confinamento do núcleo do Canizo, na Gudiña, afectando a 300 veciños. Pola tarde desconfináronse todos os núcleos, aínda que nas últimas horas foi necesario confinar Vilariño da Serra (Viana do Bolo, 12 veciños) e máis recentemente, confinouse e evacuouse Estevesiños, Mixós, Vences e A Pousa, en Monterrei.
25 usuarios da residencia de maiores de Chandrexa de Queixa foron evacuados por precaución, igual que dúas persoas de Albarellos, en Monterrei.
Arderon casas
En Oímbra arderon dúas casas deshabitadas e outra habitable pero baleira. En Monterrei calcinouse outra en estado de abandono. O número pode ser maior tras afectar o lume a parroquia da Caridade, Monterrei.
Feridos
Na mañá deste mércores o 112 informou do primeiro balance de feridos. Os 3 máis graves eran os brigadistas municipais de Oímbra que tiveran que ser trasladados o martes.
Entre os leves atopábanse 4 persoas que foron atendidas por crises de ansiedade, 3 por traumatismos, 3 por queimaduras e 2 por problemas respiratorios.
Máis tarde un brigadista tivo que ser trasladado por un golpe de calor.
Tráfico
A primeira hora podíase circular sen problema por calquera vial da comunidade, exceptuando algunhas estradas secundarias. Co paso das horas foi necesario interromper a circulación ferroviaria e cortar o acceso a Galicia a través da A-52 e da N-525.
En imaxes
Xornal da Estrada 
Deixar un comentario