A Escola de Música Tradicional de Barbude xa abriu as matrículas para o novo curso. Os venres, de 20.30 a 22.30 horas ofertarán clases de baile, pandeireta, tambor e gaita. Os sábados poderáse participar nas clases de perfeccionamento de pandeireta e de iniciación de gaita e tambor en horario de 16.15 a 17.15 horas. Durante a hora seguinte terán as dos niveis de iniciación e medio de pandeireta e o medio de tambor. De 18.15 a 19.15 horas impartiránse as de perfeccionamento de gaita e bombo e as de tambor e acordeón. Para rematar, de 19.15 a 20.15 horas será a de agrupación.
A matrícula pódese facer a través do correo info@bandadegaitasdebarbude.gal ou do teléfono 684 269 113, mesmos medios que se poden empregar para solicitar máis información.
Imaxe de portada: actuación da Banda de Gaitas de Barbude no San Paio // Xornal da Estrada
Xornal da Estrada 
Deixar un comentario