Alfonso Sanmartín recibirá o Premio Traxectoria da Gala do Deporte

O xurado da Gala do Deporte 2025 outorgou a Alfonso Sanmartín Carbón o premio á súa traxectoria deportiva despois de que estivese máis de 36 anos vecellado ao deporte local. Esta foi a única elección que trascendeu despois da reunión que mantiveron este luns.

O xurado, formado polo concelleiro de Deportes, Ismael Pena, o técnico municipal de A Estrada Deporte, David Carballo, e os concelleiros Amalia Goldar, Belén López, Sindo Villamayor e Mar Blanco, validou as candidaturas para todas as categorías e aprobou de xeito unánime as catro mencións de honra. Os gañadores e as mencións de honra non se coñecerán ata a celebración da gala o 22 de decembro ás 20.00 horas no Teatro Principal.

En canto ao Premio á Traxectoria, elixiuse por unanimidade a Alfonso Sanmartín Carbón, quen formou parte da directiva do CD Estradense na sección de baloncesto e dirixiu o mítico EDM ata a súa desaparición neste 2025.

A entrada da Gala do Deporte será de balde pero, por motivos de aforo, é necesario retirar o convite no departamento de Deportes (4º andar do Concello) a partir do martes 9 de decembro. Antes, asignaránse as entradas aos clubs e deportistas.

Os premios

Nominados

MELLOR DEPORTISTA MASCULINO

• Javier Martínez Carracedo (automobilismo)
• Alejo “Keko” Ferreiro (surf)
• Samuel Tato (judo)

MELLOR DEPORTISTA FEMININA

• Iziar Barcala (bádminton)
• Arauia Al Bachere (atletismo)
• Dori Carbia (culturismo natural)

MELLOR DEPORTISTA MASCULINO BASE

• Darío Míguez (bádminton)
• Joel Castro Toledo (loita tradicional)
• Andrés Carballeda (salvamento)

MELLOR DEPORTISTA FEMININA BASE

• Aroa Martínez (ximnasia)
• Candela Fajardo (tenis)
• Paula Pena (salvamento)

DEPORTISTA / CLUB REVELACIÓN

• Libertad Morales (judo)
• Aya Nabaoui (karate)
• Carla Pintor (atletismo)

MELLOR ADESTRADOR

• Sofía Mosteiro (Club Ximnasia)
• Marcos Otero (Atletismo A Estrada)
• Manuel González “Manuti” (CD Estradense)

MELLOR CLUB

• Atletismo A Estrada
• Club Tenis Recreo Cultural
• CNS A Estrada

MELLOR EQUIPO

• CD Estradense
• Club Tenis RC Absoluto Feminino A
• Club Bádminton A Estrada

MELLOR EVENTO DEPORTIVO

• VIII Campionato Infantil de Judo (Judo Club Base)
• XXI Trofeo Baile Deportivo (CBD Sondodance)
• XIV Raid Hípico Festa do Salmón (Socade)

ENTIDADE DE APOIO AO DEPORTE

• Sometal SLU
• Start Motor
• Restaurante Rio Liñares

Outros premios

MENCIÓNS DE HONRA

Serán 4 e xa foron aprobadas de xeito unánime

Imaxe de portada: xurado da Gala do Deporte // Concello da Estrada