Ás 18.01 horas deste xoves un vehículo articulado e un turismo colidiron frontalmente na N-640 ao seu paso por Troáns (Cuntis). No sinistro víronse implicadas tres persoas – o condutor do vehículo articulado, que resultou ileso, e a condutora e o acompañante do turismo, que resultaron ferida grave e falecido no lugar dos feitos, respectivamente. Os ocupantes do turismo empregaban o cinto de seguridade.
A muller tiña 82 anos de idade e o varón, 89. Ambos son de Cambados. Ambos tiveron que ser excarcelados como consecuencia do impacto.
No momento de redacción desta noticia, informan desde o Concello de Cuntis, estábanse a producir retencións quilométricas na N-640. Ata o punto desprazáronse efectivos de Emerxencias A Estrada, Garda Civil de Tráfico, Policía Local e Protección Civil.
Imaxe de portada: sinistro mortal en Cuntis // cedida
Xornal da Estrada 
Deixar un comentario