ACTUALIZACIÓN
O Concello recomenda evitar os desprazamentos innecesarios polo temporal
A AEMET ampliou ata o luns os avisos por chuvia | Entre as 20.00 e as 23.00h deste domingo será cando máis chova.
O paso dunha fronte por Galicia deixará fortes chuvias e refachos de vento. Por iso, a AEMET activou tres avisos amarelos para a xornada de mañá na comarca de Tabeirós-Terra de Montes.
Ás 00.00h activaráse o aviso por vento, por refachos de ata 80km/h. Desactivaráse ás 20.00h.
Desde as 16.00h e ata a medianoite estará activo o aviso por chuvia en 12 horas, con acumulados de 40mm nun periodo de tempo inferior ás 12 horas. Pola tarde as chuvias serán máis intensas, por iso, desde as 18.00h e ata o remate da xornada tamén estará activo un aviso por chuvia nunha hora, podendo acumularse ata 20mm nese intervalo.
Niveis de aviso
- Verde: Sen risco meteorolóxico
- Amarelo: Non existe risco meteorolóxico para a poboación en xeral, pero si para algunha actividade concreta.
- Laranxa: Existe un risco meteorolóxico importante (fenómenos meteorolóxicos non habituais e con certo grado de perigo para as actividades habituais).
- Vermello: Risco meteorolóxico extremo (fenómenos meteorolóxicos non habituais, de intensidade excepcional e cun nivel de risco para a poboación moi alto). Non viaxe salvo que sexa estritamente necesario.
Xornal da Estrada 
Deixar un comentario