A Fervenza de Ouzande elixirá o seu presidente

A Asociación Cultural A Fervenza de Ouzande vai elixir unha nova directiva na Xunta Xeral que terá lugar o domingo 9 ás 18.00h no local social do Campo da Festa de Ouzande. Xabier Camba deixará de ser o presidente da asociación.

Ademais, tamén se dará conta da xestión, da previsión de ingresos e gastos e da programación anual. Ao rematar, os asistentes estarán convidados a unha merenda con chocolate con churros. Ademais, poderánse pagar os recibos da cota anual.

Dada a relevancia desta reunión debido ao cambio na presidencia e na xunta directiva, desde a asociación convidan aos socios e socias a asistir.

Imaxe de portada: participantes na Ruta das Letras da Fervenza de Ouzande // Arquivo / O Xornal da Estrada