Este luns empregados da firma Geseco comezaron coas labores de limpeza de varias rúas e prazas do casco urbano. Fixérono pola Alameda, onde a superficie formigonada require de maquinaria especializada para retirar as adherencias, principalmente nas zonas sombrías.
Os traballos continuarán pola praza da Constitución, que conta co mesmo material. Ademais, tamén se verán beneficiadas as rúas San Antón, Serafín Pazo, Calvo Sotelo, Travesía de Vea, Travesía da Igrexa, Cruceiro (Zona dos Viños), Peregrina, Pérez Viondi (no tramo
comprendido entre a Praza de Galicia e Avenida Benito Vigo), Don Nicolás, Iryda e Praza do Mercado.
Prevése que estas labores rematen antes da Festa do Salmón.
Imaxe de portada: Limpeza na alameda // cedida
Xornal da Estrada 
Deixar un comentario