Tras os primeiros eventos que se celebraron o xoves e o venres, a Semana Cultural de Guimarei continúa coas súas actividades. A semana comeza coas actuacións deste luns ás 21.00 horas do Padre Xiao e do Mago Toño. Será no local da ADCV de Guimarei ou, o que é o mesmo, as antigas escolas unitarias.
Este martes 16 será o turno de Manoele de Felisa, quen actuará ás 21.00 horas no adro da Igrexa de Guimarei. A batucada terá o seu oco o mércores ás 20.00 horas nas antigas escolas unitarias da man de Latexo Percusión.
O broche de ouro poráno o mago Manu Carbón, o xoves ás 21.00 horas, e o Laboratorio de Experimentación Escénica Darlle Bolo, o venres ás 21.00 horas. Ambas actuacións serán nas antigas escolas unitarias.
Xornal da Estrada 
Deixar un comentario