Se nos poñemos a rebuscar na hemeroteca dos diferentes medios de comunicación veremos que a peonalización da Farola é un tema do que se leva falando varios anos. Desde os partidos que o propoñían nas campañas electorais, pasando polos debates de se se tería que manter o icónico farol e onde colocalo, a repetición de presentación de proxectos, a presentación do de Galaicontrol, a polémica que xerou o desprazamento do farol, a comparativa do farol “cun piar no medio do salón”, a recollida de sinaturas, a manifestación, a coroa floral que apareceu no farol, o referendo, as reportaxes, os artigos de opinión, os especiais coa Farola como protagonista, a consecución de fondos, os anuncios de inicio de obras e, por fin, o inicio das obras.
Un inicio que chegou este martes. Os traballos comezaron na Rúa Don Nicolás, onde se concentrarán nas dúas primeiras semanas, co picado do asfalto. No momento no que se retire toda a capa asfáltica, faráse un fresado e colocaránse lousas de pedra.
Ao remate, os traballos extenderánse á Rúa Marqués Vega de Armijo e continuarán por San Paio e 56. Deste xeito, as obras non chegarán ata a Farola ata pasado o Nadal.
Imaxe de portada: picado do asfalto da Rúa Don Nicolás // Xornal da Estrada
Xornal da Estrada 
Deixar un comentario