Os alcaldes da Estrada, Gonzalo Louzao, e Forcarei, Belén Cachafeiro, mantiveron este xoves unha reunión para avanzar na solicitude de recuperar a xestión compartida do Centro de Información á Muller (CIM), que se perdeu hai varios anos aínda que o ámbito de actuación do centro estradense segue a ser comarcal. No encontro tamén estiveron a concelleira de Servizos Sociais, Amalia Goldar, e a directora do CIM, Margarita de la Calle.
De concederse, permitirá que, a partir do vindeiro ano, ambas administracións locais soliciten as subvencións de forma conxunta para o CIM estradense, que leva prestando os seus servizos desde 2003.
O CIM ofrece atención legal e psicolóxica á muller, realizando unha actuación integrada ante situacións de violencia de xénero. No 2024 atendeuse a 160 mulleres, unha cifra superior á media anual. Asemade, no último exercicio atendéronse máis de 500 consultas.
016
Teléfono contra a violencia machista
Imaxe de portada: de esquerda a dereita: Belén Cachafeiro, Gonzalo Louzao, Amalia Goldar e Margarita de la Calle // Concello da Estrada
Xornal da Estrada 
Deixar un comentario