Aínda que o peregrino 500.000 vai ocupar un gran número de titulares, este domingo produciuse outro fito histórico: o camiño da Geira e dos Arrieiros bateu, un ano máis, o seu récord de peregrinos.
Segundo os datos ofrecidos pola Oficina do Peregrino, por esta ruta a Santiago xa pasaron 692 peregrinos, 2 máis que en todo 2024. Deles, 128 son españois e 560, estranxeiros, destacando os 406 portugueses. A Portugal e España séguenos en cifras de nacionais que conseguiron a Compostela República Checa (41), Bélxica (9); Alemaña, Francia, Italia e Reino Unido (8 cada un); Brasil (7); Polonia (6); Eslovaquia, Estados Unidos e Países Baixos (4 cada un); México (3); China e Suráfrica (2 cada un) e Afganistán, Arxelia, Austria, Canadá, Colombia, Corea, Costa Rica, Irlanda e Suíza (1 cada un).
A maioría empezaron o camiño en Braga (517) ou nalgún outro punto de Portugal (75). Por meses, os peores foron febreiro (2 peregrinos) e xaneiro (10) e os mellores maio (223) e xuño (155). Tras estes dous grandes meses, o número de peregrinos oscila entre os 45 e os 55.
Imaxe de portada: sinaléctica do Camiño de Santiago co gráfico de peregrinos mensuais // Imaxe: Pexels / Montaxe: Xornal da Estrada
Xornal da Estrada 
Deixar un comentario