Este venres 24, ás 20.00 horas, o MOME acollerá a presentación do último poemario de David Otero Fernández, Conecta co íntimo.
O autor de Para iso está o futuro (Fervenza, 2003) e A Alexandre Bóveda. Na demanda de restauración (Laiovento, 2008) amplía a súa xa extensa produción literaria —que abrangue poesía, narrativa e ensaio— cunha obra que convida á reflexión e á conexión coas emocións máis profundas.
Na presentación, ademais do propio Otero Fernández, intervirán a presidenta da A.C. Vagalumes – asociación organizadora da presentación -, Clara Iglesias, o historiador e membro de A.C. Vagalumes Marcos Borraxeiros, a graduada en Dereito Mencía Vidal e a ilustradora e deseñadora e responsable da parte visual, Anabel Montoto.
Imaxe de portada: portada do libro // A.C. Vagalumes
Xornal da Estrada 
Deixar un comentario