O peor prevese para esta tarde e noite, especialmente en parroquias como A Somoza, Arca, Souto, Codeseda, Sabucedo, Liripio e Olives
Este venres e sábado vivirase unha situación pouco habitual no concello, coa cota de neve chegando a baixar por momentos aos 400 metros, especialmente durante a tarde e a noite. Por iso, segundo vén de anunciar o Concello, nos últimos días fixeron acopio de sal e maquinaria para actuar na rede viaria, especialmente das zonas máis altas do municipio.
Os traballadores de Obras serán os encargados de botar a importante cantidade de sal que se adquiriu pola rede viaria municipal, en colaboración con Emerxencias A Estrada.
BORRASCA INGRID | A DXT prohíbe a circulación de vehículos pesados pola N-640, N-525 e AP-53
A medida entra en vigor ás 00.00 horas deste venres
Dirixentes municipais e traballadores asumiron que o peor darase nas parroquias situadas por encima dos 450 metros. É dicir, parroquias do sur como A Somoza, Arca, Souto, Codeseda, Sabucedo ou Liripio e do leste como Olives serían onde máis problemas na circulación se poden producir.
O alcalde da Estrada, Gonzalo Louzao, pediu que, se algún veciño observa placas de xeo, chame a Emerxencias A Estrada para facilitar a información. “Temos unha rede de case 2.000 quilómetros de vías de titularidade municipal. Aínda que nos preparamos para afrontar esta situación pouco habitual no noso territorio e difícil chegar a todos os lados, por iso pedimos a comprensión e colaboración dos veciños”, apuntou Louzao.
Suspensión das clases e da actividade deportiva
Outras das medidas adoptadas polo Concello, tendo en conta as directrices da Xunta de Galicia, foron o peche da Escola Infantil Municipal e das instalacións deportivas municipais.
Suspendidas as clases por un aviso laranxa por neve
A partir dos 600 metros poderían acumularse cinco centímetros en 24 horas
Imaxe de portada: Óscar Durán e Gonzalo Louzao co persoal de Obras, este venres // Concello da Estrada
Xornal da Estrada 
Deixar un comentario