Autor: O Planeta de Hoxe en Día
-
RESUMO SEMANAL 23/04/2023| Complícase a situación en Sudán
Comeza o resumo semanal do PHDnoticias.
Complícase a situación no Sudán: todos os países están evacuando aos seus cidadáns e persoal diplomático do país, o pasado luns atacaron ao embaixador da Unión Europea no país cando estaba na súa casa e 2000 sudaneses xa cruzaron a fronteira con Sudán do Sur. Podes ver por que comezou esta situación no noso ‘REPOR’.
Traxedia nun restaurante en Madrid. Un incendio que se propagou rápidamente polas paredes e teito deixou dous falecidos.
O Rei Xoan Carlos I estivo varios días en Sanxenxo. Aproveitou para navegar, sempre que o tempo o permitiu, no Bribón.
Joaquín anuncia a súa retirada despois de 23 anos como futbolista profesional, onde conquistou 3 Copas do Rei. -
REPOR| Sudán, onde a democracia non consegue chegar
Sudán é un estado no que a democracia parece estar prohibida, e así o demostraron os últimos acontecementos.
Era sábado, e 15 de abril. E o que levaba ameazando con suceder finalmente sucedeu: os conflitos armados volveron ás rúas do país. Pero, por que pasou?
Para comezar imos poñer o contexto: Sudán viviu durante 30 anos nunha ditadura. En 2018 comezou unha revolta popular que culminou cun golpe de estado o 11 de abril de 2019. O golpe de Estado douno o ministro de Defensa e prometeu que se realizaría unha transición democrática. E así foi, ata que en 2021 douse outro golpe de Estado. No goberno que saíu deste golpe de Estado temos ás dúas persoas claves na situación actual: Abdefatá al Burhan, líder do Exército, e Mohamed Hamdan Dagalo, tamén coñecido como Hemedti, que é o líder das Forzas de Apoio Rápido, unha organización paramilitar.
O país comezou un novo proceso de transición democrática, pero as tensións surxidas entre ambos líderes pola unificación do exército fixeron que os acordos non se puideran firmar en prazo. As ameazas verbais pasaron a ser un despregamento non autorizado das Forzas de Apoio Rápido e no posterior conflito armado que comezou o sábado 15.
Deste xeito púxose fin a un desexado novo intento de conseguir a liberdade do pobo sudanés.
Xornal da Estrada 