Autor: O Planeta de Hoxe en Día
-
Nace a AE League, unha liga amateur de fútbol sala para rapaces de 14 a 18 anos
Naceu no concello da Estrada a AE League, unha competición amateur de fútbol sala. A competición durará 2 semanas e nela poderán participar rapaces nados entre o ano 2005 e o 2008.
Tal e como explican nas bases do torneo, seguiránse as normativas FIFA e RFEF, exceptuando algunhas normas. Cada equipo constará de 15 xogadores como máximo, dos cales só se poderán empregar 12 por partido como máximo.
Calendario
Na primeira semana do torneo xogaránse encontros entre todos os equipos e, na segunda, serán as fases eliminatorias nas que a clasificación será determinada por puntos.
Os partidos serán de 2 tempos de 20 minutos e 10 de descanso. Ademais, previo acordo dos adestradores, poderánse facer 2 minutos de descanso en cada parte.
Inscricións
As inscricións poden realizarse desde a ligazón dispoñible na descrición da conta de Instagram do torneo (@aeleague_oficial). É necesario entregar á organización a lista que indique os nome e DNI ou pasaporte dos xogadores.
Ademais, é necesario que os participantes dean o seu consentimento para que sexan gravados ou fotografiados.
A inscrición son 3 euros por participante.
Premios
O equipo gañador do torneo terá unha churrascada fixada segundo a preferencia dos gañadores e, o segundo e terceiro, un trofeo para todo o equipo.
Tamén haberá premio ao mellor xogador, mellor porteiro e máximo goleador.
-
O 112 rexistra 916 incidencias desde luns
O temporal de chuvia, neve, vento e mala mar provocado polas borrascas Gerard e Fien deixou en Galicia 916 incidencias desde o luns. A maioría foron por caídas de árbores e ramas, pero tamén está o afundimento dunha estrada en Campañó no que un coche caiu e a condutora resultou ferida leve ou os diferentes anegamentos que afectaron vivendas e obrigaron a desaloxar a varias familia en Begonte. Eses mesmos anegamentos obrigaron a cortar a Nacional Sexta e o tráfico ferroviario polo concello.
Tamén houbo que cortar durante dúas horas a A-6 polas nevaradas. Outras estradas autonómicas e provinciais están cortadas polo mesmo motivo.
Relacionado
O aviso vermello por ondas deixou ondas superiores aos 8 metros de altura e os refachos de vento pasaron dos 100km/h na Coruña.
A situación para mañá non se prevé que mellore e suspendeuse o transporte escolar para 18 centros educativos da montaña de Lugo e Ourense.
-
Que hai que facer se quedamos atrapados na neve co coche?
Ante xornadas de nevaradas como as que imos vivir hoxe é moi importante saber actuar en caso de quedar atrapados co coche. Para comezar, é recomendable evitar o uso do coche pero, se o temos que empregar, circula co depósito cheo e con cadeas e leva o móbil e o seu cargador e roupa de abrigo.
Se temos a mala sorte de quedar atrapados na neve é moi importante evitar baixar do vehículo e ter a calefacción acesa. Ademais, debemos manter o vehículo en marcha para evitar que se conxelen algúns elementos.
Recoméndase renovar o aire cada certo tempo con ventilacións breves, comprobar que o tubo de escape non estea bloqueado pola neve e manterse informado en todo momento.
-
DIRECTO| Os efectos da borrasca Fien xa se están facendo notar
A borrasca Frien está deixando un temporal de vento, neve e mala mar en toda a comunidade. Ademais, o descenso da cota de neve previsto para esta tarde ata os 300 metros complicará a situación.
Directo
23.45| Así foi a xornada
23.43
21.33 Desde onte o 112 Galicia rexistrou 916 incidencias, a maioría por ramas e árbores caídas
21.32 Na Coruña as ondas superaron os 8 metros e, os refachos, os 100km/h.
EUROPA PRESS
18.57 Prohibido o paso de camións e articulados pola LU-540 entre os quilómetros 18 e 29 pola neve.
17.46 SUSPENDIDO O TRANSPORTE ESCOLAR PARA MAÑÁ EN 18 CENTROS EDUCATIVOS| 18 centros educativos da provincia de Lugo e Ourense non terán mañá transporte escolar. Ademais, a Xunta está pendente da situación no interior das 4 provincias por se o houbera que suspender tamén.
O servizo de transporte escolar nas zonas en aviso por neve xa foi suspendido para hoxe á tarde.
17.38 QUE FACER SE QUEDAMOS ATRAPADOS CO COHE NA NEVE?|
17.13 REBORDAMENTO DE RÍOS| Activouse o plan Inungal ante o risco de anegamentos nunha vintena de ríos.
Na provincia da Coruña son os ríos Mera (Ortigueira), Furelos (Santiso), Tambre (Oroso), Rego das Mestas (Valdoviño), Mandeo e Mendo (Betanzos), Xallas (Santa Comba) e Ulla (Santiso).
Na de Lugo son o Miño (Lugo), Ouro (Foz), Paga (Guitiriz), Ladra (Vilalba e Begonte) Cobo (Cervo), Labrada (Xermade) e Sor (O Vicedo).
En Ourense están dentro do plan Inungal o Miño (Ourense e A Peroxa), Sil (Barco de Valdeorras), Avia (Ribadavia) e Arnoia (Baños de Molgas).
Na provincia de Pontevedra só está o Lérez ao seu paso pola cidade.
17.11 O PEOR DO TEMPORAL ATÓPASE NA CORUÑA E EN HUESCA| Na costa da coruña permanece activo un aviso vermello por ondas que poden superar os 8 metros de altura. En Huesca as intensas nevaras obrigaron a activar o aviso vermello.
17.08 Mañá continuará nevando en cotas baixas do terzo norte peninsular.
17.05 A DXT informa de nevaradas na A-52 á altura do quilómetro 112 na Canda.
17.02 ÚLTIMA HORA| Desviado a Santiago de Compostela o voo Iberia IBE0524 entre Madrid e A Coruña por meteoroloxía adversa.
16.45 O REBORDAMENTO DO LADRA CAUSA GRAVES PROBLEMAS| O rebordamento do río Ladra en Begonte causou anegamentos que obrigaron a cortar a N-VI e o tráfico ferroviario entre Baamonde e Rábade. Ademais 7 persoas tiveron que ser rescatadas das súas casas.
16.42 Esta mañá produciuse un derrumbamento da estrada EP-0017 ao seu paso por Campañó (Pontevedra). Un coche que circulaba por esa estrada viuse afectado. O condutor do vehículo puido sair ileso.
16.34 ESTRADAS AFECTADAS POLO MAL TEMPO EN GALICIA|
A LU-P-5004 está cortada en ambos sentidos entre os puntos quilométricos 0 e 1 por anegamentos e 10,5 e 10,6 por avalanchas.
A LU-P-1611 está cortada en ambos sentidos entre os puntos quilométricos 8 e 8,1 por anegamentos.
A N-VI está cortada entre os quilómetros 523 e 526 por anegamentos. Na mesma zona, entre os quilómetros 0,2 e 0,8 está cortada a LU-P-0802.
A LU-161 permanece cortada entre os quilómetros 1,5 e 2 por anegamentos.
Hai circulación difícil na A-8 entre os quilómetros 536 e 552 polo vento.
16.28 COMEZAMOS A COBERTURA ESPECIAL| PHDnoticias realizará ao longo de toda a xornada unha cobertura especial desde a web e cun vídeo especial en YouTube.
-
Mañá nevará en case toda Galicia
A entrada dunha masa de aire frío provocará que mañá as precipitacións que se rexistren sexan en forma de neve a partir dos 600 metros, aínda que pola tarde xa nevará a partir dos 300 metros. Ademais, as chuvias virán acompañadas de sarabia e aparato eléctrico.
O mércores continuará a cota baixa pero co paso das horas irá subindo progresivamente ata situarse nos 700 metros.
Xa o xoves agárdase a chegada dunha nova fronte que deixará chuvia principalmente a partir do mediodía e deixará de nevar pola tarde.
Mañá os avisos serán por vento na provincia da Coruña e interior de Lugo e Ourense; por nevaradas no interior e na Mariña, e por mar combinado en toda a costa.
Para mércores manteránse os avisos por neve e mar combinado. -
Avecíñase unha semana de importantes nevaradas en gran parte de Galicia. Repetiráse a de 2010?
A Axencia Estatal de Meteoroloxía (AEMET) emitiu un aviso especial por temporal marítimo e de vento e neve para gran parte da metade norte peninsular que comezará o vindeiro luns e rematará xoves.
Tal e como indican, a interacción do potente anticiclón das Azores xunto coa profundización da borrasca Fien situada ao sur das Illas Británicas dará lugar á intensificación dun temporal marítimo e de vento e neve. Ademais produciráse a entrada dunha masa de aire de orixe marítimo-polar moi fría que dará lugar a ventos intensos do noroeste e precipitacións xeralizadas acompañadas dun brusco descenso térmico que darán lugar a nevaradas en cotas que poden baixar dos 500 metros coa posible irrupción dunha masa de orixe ártico o mércores.
Para o luns prevése a entrada dunha fronte que deixará precipitacións xeralizadas que poden se localmente fortes pero que, segundo as previsións de Meteogalicia, non deixaarán acumulados de neve na nosa comunidade. Este día teremos que prestarlle atención á situación marítima- onde se prevé a activación dun aviso laranxa por ondas de 6 a 8 metros de altura e ventos de forza 8 e 9-, ao vento -prevénse refachos de ata 100 quilómetros por hora na costa da Coruña e Lugo- e polos acumulados de chuvia en zonas do interior.
O martes entrará unha masa de aire frío que provocará nevaradas a partir dos 900 metros e que irán descendendo ata os 600 metros á noite.
Para mércores Meteogalicia aínda non ofrece a previsión, pero a AEMET xa avisa, de forma xeral para a península, de que se prevé que continúe esta situación invernal cun descenso das temperaturas e con cotas de neve que se situarán nos 400 metros en amplas zonas da metade norte peninsular.
Para xoves agárdase de que a situación comece a remitir.
A situación actualmente é moi difícil de pronosticar, pero Meteogalicia xa publicou un chío en Twitter na que compara a situación que se prevé para o mércores coa do 8 de xaneiro de 2010, cando nevou de forma xeralizada en toda Galicia.
-
REPOR| Brasil, un asalto anunciado
Estas imaxes eran temidas. A posibilidade de que pasaran eran altas. E pasaron.
Cronoloxía dun asalto anunciado
O 30 de outubro Jair Bolsonaro perdía as eleccións presidenciais do Brasil co 49,10% dos votos. Xa antes de facerse oficial a victoria do seu rival, Lula da Silva, os bolsonaristas comezaron a bloquear as estradas. Sen recoñecer a súa derrota, o 2 de novembro desautoriza os bloqueos que se están provocando nas estradas do país.
O 19 de novembro comezaron as acampadas no exterior dos cuarteis militares chamando aos soldados a que dean un golpe de estado. Quizais un dos momentos máis destacados foi cando o 21 de novembro os bolsonaristas pediron axuda aos extraterrestres. Ao día seguinte, o Partido Liberal pediu que se invalidaran os resultados das urnas electrónicas máis antigas.
O uso da violencia por parte dos bolsonaristas máis extremos comezaron o 13 de decembro, cando un grupo de manifestantes intentou tomar a sede da Policía Federal en Brasília tras a detención dun bolsonarista. O 25 dese mesmo mes as Forzas de Seguridade detiveron na capital a un home que dicía ser partidario de Bolsonaro e que estaba preparando un atentado contra o aeroporto da cidade. Segundo o seu relato, ía detonar un camión de combustible contra un avión de pasaxeiros.
O 1 de xaneiro Lula da Silva xurou como novo presidente do Brasil, nun día sen incidencias. Pero, o 8 deste mes, centenares de bolsonaristas radicais asaltaron o Congreso Nacional (sede do poder lexislativo), o Pazo do Planalto (sede do poder executivo) e a sede do Tribunal Supremo Federal. Os asaltantes saquearon os edificios e incluso provocaron incendios neles. Horas despois do inicio do asalto, Lula da Silva decretou a intervención federal do Distrito Federal ata final de mes.
Os sinalados polo asalto
Algúns dos sinalados son Ibaneis Rocha, gobernador de Brasília, que foi apartado 90 días do cargo pola Corte Suprema do Brasil por supostamente ser coñecedor do asalto e permitilo. Ademais, o propio Rocha cesou ao secretario de Seguridade de Brasilia, Anderson Torres, quen fora ministro de Xustiza no Goberno de Bolsonaro. A policía tamén é acusada de non mostrar resistencia e, incluso, de escoltar aos asaltantes á escena do crime. Outro dos sinalados, esta vez polo propio presidente do Brasil, é Bolsonaro, que se atopa nos Estados Unidos desde 2 días antes do xuramento de Lula como presidente.
Similitudes entre asaltos
Dous días antes do asalto facíanse dous anos desde o asalto ao Capitolio, un asalto que garda similitudes co que se produciu en Brasil. En ambos casos, producíronse despois de que os presidentes do país perderan os comicios presidenciais e non aceptaran a derrota. Este feito, engadido a mensaxes de que as eleccións non cumpriran a lei, animaron aos seus seguidores máis radicais a asaltar sedes dalgún poder.
Xornal da Estrada 