O papa emérito Bieito XVI faleceu este sábado 31 de decembro aos 95 anos de idade, segundo comunicou a Santa Sede. Bautizado co nome de Joseph Ratzinger, chegou á cadeira de San Pedro o 19 de abril de 2005 como sucesor do papa San Xoán Pablo II. En 2013 presentou a súa dimisión como papa alegando motivos de saúde, sendo o primeiro en facelo en case 600 anos e o oitavo en toda a historia.
Os seus últimos anos de vida pasounos retirado no mosteiro vaticano de clausura “Master Ecclesiae”, onde se retirou poucos meses despois de dimitir. Segundo o seu secretario privado, o arzobispp Georg Gänswein, nos últimos anos o papa emérito era, físicamente, “unha candea que se apagaba lentamente”, pero estaba “moi lúcido”.
Edson Arantes do Nascimiento ‘Pelé’ morreu este 29 de decembro aos 82 anos de idade tras unha dura loita contra o cancro. Hai 1 mes fora ingresado tras presentar hinchazón xeralizada e ante a preocupación dos médicos, que remataron interrompendo o tratamento de quimioterapia ao non responder a el. Tras un mes ingresado, a súa saúde empeorou este Nadal e rematou falecendo.
O brasileiro foi diagnosticado con cancro de colon o pasado ano 2021 e, pouco despois, foi intervido cirúrxicamente para extirparlle o tumor. Sen embargo, a principios deste ano, os médicos confirmaron que a enfermidade estendérase e estaba sufrindo metástase en varios dos seus órganos.
O Rei naceu o 23 de outubro de 1940. Durante a súa carreira como futbolista marcou 767 goles en partidos oficiais, 1283 en toda a súa carreira en 1367 partidos, incluindo amistosos.
O único que gañou tres mundiais
En 21 anos como futbolista levantou 31 títulos, entre os que se inclúen 3 mundiais, 2 Copas Libertadores, dúas Copas Intercontinentais, unha Supercopa de Campións Internacionais e seis títulos nacionais co Santos e outro co Cosmos neorquino.
O seu último partido foi un Cosmos-Santos, no que xogou unha metade con cada equipo.
PHDnoticias puxo hoxe en marcha a súa conta de Twitter e o seu primeiro tweet foi adicado á súa historia. Nel lembra como foi creado (por casualidade) hai máis dun ano, como independizou a súa web da do Planeta de Hoxe en Día e, como agora, fai o mesmo en Twitter.
Hai máis dun ano (o 12 de decembro de 2021) naciamos (de casualidade). O 11 de abril de 2022 conseguimos independizar a nosa web da do Planeta de Hoxe en Día. Hoxe (e tras un arduo traballo) independizámonos en Twitter de @planetahoxedia
Hai que lembrar que desde PHDnoticias xestionouse a cobertura especial de varios eventos deste ano como a guerra en Ucraína, a vaga de lumes deste verán ou a morte de Isabel II.
O Instituto Xeográfico Nacional rexistrou un terremoto de magnitude 3,8 na escala de Richter fronte á ría de Muros-Noia. O sismo produciuse ás 3.45 horas desta madrugada, tivo unha profundidade de 19 quilómetros e produciuse a 30 quilómetros da costa.
O tremor non provocou nin incidencias nin chamadas ao 112.
Varias localidades e institucións vestíronse de loito polas sete vítimas mortais do accidente de autobús de Cerdedo-Cotobade.
A vítima máis nova, de 21 anos, era unha promesa do boxeo galego. Trátase de Eneas Valverde Ruibal, un veciño de Nigrán que regresaba a casa desde Lugo, onde estudaba. O Concello decretou 3 días de loito oficial.
Outros dous dos falecidos son nai e fillo. Falamos de Cruz Castro Eiras -unha xubilada que traballou nunha pastelería- e Jaime Val Castro. Ambos residían en Lalín pero eran naturais de Agolada.
De Agolada tamén era María Mercedes Castro Blanco, de 58 anos. Era unha gandeira xa xubilada e exmuller dun concelleiro do PP da localidade.
A educación vistiuse de loito por Guadalupe Díaz González, de 44 anos. Era natural de Lugo, pero residía en Lalín. Tiña dous fillos de 8 e 5 anos e impartía clases de lingua castelá e literatura no IES Número 1 do Carballiño, onde comezara este ano, aínda que tamén formou alumnos en Lalín, nos IES Laxeiro e Ramón María Aller Ulloa.
A sexta vítima é Edit, unha muller peruana residente en Soutomaior que collera o autobús na parada anterior ao accidente porque saíra de traballar da vivenda na que coidaba a unha persoa maior.
Da sétima vítima, rescatada esta mañá, só se sabe que se trata dunha muller duns 50 anos que acompañaba á sobrevivinte.
Os Concellos de Nigrán, Agolada, Lalín e Cerdedo-Cotobade decretaron varios días de loito oficial e as bandeiras ondean a media asta.
Todas as familias dos falecidos recibiron apoio psicolóxico
Os operativos de emerxencias desprazados ata Pedre en Cerdedo-Cotobade polo accidente no que un autobús caiu ao río Lérez acaban de atopar un terceiro corpo polo que pasan a ser 3 os mortos, 2 os desaparecidos e 2 os rescatados con vida.
Esta mañá retomouse a busca dos 3 desaparecidos no accidente de autobús que se produciu onte á noite en Cerdedo-Cotobade: nel un autobús pertencente á empresa Monbus precipitouse ao río Lérez ao seu paso por Pedre. A busca foron suspendida onte á noite polas malas condicións que se rexistraban: “Un elevado caudal do río Lérez, moita corrente e un nivel de auga no interior do autocar que xa tocaba o teito do vehículo”.
Durante a noite conseguiuse rescatar con vida ao condutor do vehículo, C. M. C., de 63 anos, e a unha muller, M. R. G. R. Ambos foron trasladados aos hospitais Clínico de Santiago e Montecelo, respectivamente. Ademais, tamén se atoparon os corpos de outros dous ocupantes.
Xornal da Estrada 