Servizos

O Mercadiño

Necrolóxicas

Axenda

Outros

Vivenda

As propostas de Luis López Bueno

Autor: O Planeta de Hoxe en Día

  • ÚLTIMA HORA: Alomenos 2 mortos e 3 desaparecidos ao caer un autobúas ao río Lérez en Cerdedo-Cotobade

    ÚLTIMA HORA: Alomenos 2 mortos e 3 desaparecidos ao caer un autobúas ao río Lérez en Cerdedo-Cotobade

    Alomenos 2 persoas morreron e 3 están desaparecidas tras a caída dun autobús ao río Lérez ao seu paso por Cerdedo-Cotobade.

    O accidente tivo lugar sonre ás 21.35 horas deste sábado, cando un autobús da empresa Monbus da liña regular entre Lugo e Vigo caiu ao río á altura do quilómetro 67,5 da N-451, na parroquia de Pedre.

    Os bombeiros puideron rescatar con vida ao condutor do vehículo e a unha muller, mentras atopouse a dúas persoas falecidas e tres persoas atópanse desaparecidas.

    Ata o lugar desprazáronse efectivos de Emerxencias A Estrada, Bombeiros do Deza, Bombeiros de Pontevedra, Bombeiros de Ribadumia, Protección Civil de Cerdedo-Cotobade e ambulancias do 061.

  • Previsión meteorolóxica para o Nadal: cando para de chover?

    Previsión meteorolóxica para o Nadal: cando para de chover?

    Na xornada de mañá, 25 de decembro, as chuvias continuarán sendo protagonistas con avisos por chuvia no interior e sur de Pontevedra e oeste de Ourense.

    A partir de luns non choverá.

  • Resumo do día. Mércores 23 de decembro

    Resumo do día. Mércores 23 de decembro

  • Dous detidos por unha brutal pelexa en Ourense

    Pasadas as doce da noite no barrio do Couto en Ourense, unha pelexa rompía a serenidade nocturna. Nun vídeo grabado desde unha fiestra pódese ver como un home comeza a pegarlle unha malleira a outro. Mentras, unha terceira persoa intenta mediar cunha pistola na man.

    Pero as cousas tornaron e o que estaba sendo agredido pegoulle unha malleira superior ao primeiro agresor e o mediador uniuse.

    Cando chegou a Policía Local, atoparon a un home no chan, con feridas sobre todo na cabeza. O home foi trasladado ao hospital. Trátase dun veciño de Oirense de 35 anos.

    Un dos implicados, un ourensán de 32 anos, foi detido na mesma noite. O outro, un homa de nacionalidade romanesa de 25 anos, colleuno a Policía Local o día seguinte, seguindo as indicacións dunha testemuña.

    A arma que se ve no vídeo, supostamente falsa, aínda non apareceu.

  • ÚLTIMA HORA: Un tiroteo en París deixa cando menos 2 mortos e 4 feridos

    ÚLTIMA HORA: Un tiroteo en París deixa cando menos 2 mortos e 4 feridos

    Esta mañá produciuse un tiroteo no distrito X de París. Nel, unnhome de 69 anos matou 2 persoas e deixou feridas a 4, 2 delas moi graves. Segundo fontes oficiais, o tiroteador xa foi detido.

    Actualmente descoñécense as motivacións do tiroteo que se produciu nas proximidades dun centro kurdo, pero a Fiscalía de París abriu unha investigación por “asasinato, homicidio voluntario e violencia agravada”, deixando así, de lado, a motivación terrorista.

    Emmanuel Grégoire, tenente de alcalde de París, publicou unha mensaxe nas redes para transmitir “un pensamento polas vítimas” e polos que presenciaron “o drama”.

    Polo momento, non se difundiu nin a idade nin a nacionalidade das vítimas.

  • Parece unha utopía: o prezo da luz está en niveis de maio de 2021

    Parece unha utopía: o prezo da luz está en niveis de maio de 2021

    O prezo da luz, despois dun ano de prezos históricos, sitúase hoxe nos 22,3€ MWh. E non nos comimos ningunha cifra. E está tan barata que non se aplicará o mecanismo ibérico, xa que está por debaixo do límite de 40€/MWh.

    Pero se comparamos o prezo de hoxe co de hai un ano chegan as sorpresas: hai un ano pagabamos pola luz 383€ MWh, 361€ máis que hoxe.

    Renovables e calor, unha axuda

    Segundo os datos que ofrece diariamente o Ministerio de Transición Ecolóxica, este venres a compensación ás gasísticas hoxe terá valor negativo: -1,2€. Esta cifra explícase poeque a renta de interconexión, que obtén España neste caso polas importacións de electricidade a Francia, supera o importe do axuste que cobran as centrais de gas.

    OMIE

    De acordo cos resultados da subasta que realiza todos os días o operador do mercado eléctrico designado na península, OMIE, o baixísimo prezo explícase porque apenas se empregará gas natural para xerar electricidade.

    Exceptuando as primeiras horas da xornada, o uso de gas é nulo, pois empregaránse enerxías eólica e hidráulica, acompañadas da solar de 10 da mañá a 5 da tarde.

  • O resumo do día. Xoves 22 de decembro

    O resumo do día. Xoves 22 de decembro

  • Elon Musk finalmente non dimite como director de Twitter

    Elon Musk finalmente non dimite como director de Twitter

    Elon Musk, propietario único de Twitter, dixo hoxe na rede social que dimitirá como director executivo “tan cedo como atope a alguén o suficientemente parvo como para tomar ese posto”. Isto chega despois de que lanzara unha enquisa sobre se debía deixar de dirixir a rede social e o 57% dos máis de 17 millóns de votos foran afirmativos.

  • Empeora a saúde de Pelé: sofre disfunción renal e cardíaca

    Empeora a saúde de Pelé: sofre disfunción renal e cardíaca

    O astro brasileiro Edson Arantes do Nascimento ‘Pelé’, hospitalizado desde fai 3 semanas en São Paulo, está recibindo coidados relacionados con “disfuncións renais e cardíacas”, provocadas pola mala evolución do cancro de colon que sofre, informaron este mércores os médicos.

    Pelé, en tratamento polo cancro, “presenta unha progresión da enfermidade oncolóxica e require maiores coidados relacionados con disfuncións renais e cardíacas”, sinalou o Hospital Albert Einstein, onde está ingresado desde o pasado 29 de novembro.

    ‘O Rei’ “continúa ingresado nun cuarto común, baixo os coidados médicos necesarios do equipo médico”. Minutos antes do informe médico, as súas fillas informaban de que o seu pai pasará o Nadal no hospital.

    Pelé leva tres semanas ingresado para revaluar o tratamento de quimioterapia contra o tumor de colon -do que se operou en setembro de 2021- e superar unha “infección respiratoria” que se lle detectou días despois.

  • Tírase abaixo a cheminea de refrixeración da central térmica de Meirama poñendo fin a 40 anos de historia

    Tírase abaixo a cheminea de refrixeración da central térmica de Meirama poñendo fin a 40 anos de historia

    11 minutos despois das 3 da tarde, unha voadura controlada tiraba abaixo a icónica cheminea de refrixeración de Meirama, poñendo fin a 40 anos de servizo desta torre no concello de Cerceda.

    Para levar a cabo a voadura levouse a cabo un amplo dispositivo de seguridade no que se incluíron peches de estradas, un perímetro de seguridade de 250 metros e o desaloxo das vivendas que se atopaban dentro do perímetro de seguridade. A voadura levouse a cabo, tal e como informa a compañía, coas máximas medidas de seguridade, o mínimo impacto medioambiental e en cumprimento da normativa vixente.

    A cheminea foi un emblema que formou parte durante décadas da paisaxe da comarca e que mantivo durante 40 anos, de 1980 a 2020, unha actividade ininterrompida. 

    A torre de formigón medía 126 metros de altura e tiña un diámetro de 72 metros na base e de 48 na cima.

    Tras a derruba da torre de refrixeración, o seguinte paso será derrubar a outra gran cheminea, de 204 metros de altura. Este paso está previsto que se realice nos vindeiros meses.

    Despois, Naturgy planea revitalizar a zona da central térmica cunha nova planta que produza combustible de hidróxeno.