Autor: O Planeta de Hoxe en Día
-
Elon Musk podería deixar Twitter por culpa dunha enquisa
Elon Musk, propietario de Twitter, anzou este luns un sondeo desde a súas propia conta de Twitter para preguntarlle aos usuarios se debería seguir dirixindo a rede.
No tweet escribiu: “Debo seguir á cabeza de Twitter? Acatarei os resultados deste sondeo”. Tras doce horas de votación e máis de 17,5 millóns de votos os resultados son claros: o 57,5% dos votantes non quere que siga ao frente de Twitter.
Tamen tuiteou outra mensaxe na que anunciou que “haberá unha votación para cambios maiores de política (na rede)”, e engade “Desculpas, non voltará a suceder”, sen aclarar a que se refire.
Ademais, comentou na rede social que “non se trata de atopar un director executivo (CEO), trátase de atopar un director executivo que poida manter Twitter con vida”, porque Twitter “está en vía rápida cara a bancarrota desde maio”.
Musk leva sendo polémica desde antes de chegar á compañía, pero as súas decisións de reducción de traballadores ou de censurar a xornalistas e blogueiros que se mostraban críticos con Twitter, están levando á rede a unha situación peor que está facendo que aumente o número de usuarios en redes sociais similares como Mastodon. Por se non fora pouco, Meta anunciou que en Instagram crearáse a función de ‘Notes’, un espazo onde os usuarios poderán escribir breves textos que desaparecerán ás 24 horas.
Nada de ligazóns da competencia
Logo de Mastodon Esta fin de semana a conta de Twitter Support publicou un fío no que daba as razóns polas que se suspendera a conta de Mastodon, unha rede social similar a Twitter:
“Recoñecemos que moitos dos nosos usuarios están activos noutras redes sociais. Non obstante, xa non permitiremos a promoción gratuíta de certas redes sociais en Twitter. Concretamente, eliminaremos as contas creadas co único fin de promocionar outras redes sociais e o contido que inclúa ligazóns ou nomes de usuario para as seguintes redes sociais: Facebook, Instagram, Mastodon, Truth Social, Tribel, Nostr e Post”
Horas despois, a compañía do paxariño azul recuaba e restablecía a conta de Mastodon e eliminaron o chío, aínda que a Mastodon doulle tempo a contestar tirando de historia:
“Como empresa do leste de Alemaña sabemos que construir un muro para tratar de evitar que a xente se vaia non é boa idea”
-
O resumo do día. Domingo 18 de decembro. ARXENTINA GAÑA O MUNDIAL
Inclúe programa ‘Mundial de Qatar: día 29’
-
Situación esperanzadora para os estradenses atrapados no Perú
Os estradenses atrapados no Perú polas manifestacións que se están a suceder no país teñen esperanzas de regresar nos vindeiros días a España.
Tania Míguez, Luis Ángel Carbia, Tania Domínguez e Yago Saborido realizaron unha camiñata de 10 horas polas vías do tren desde Aguas Calientes ata Ollantaytambo. Desde alí, e grazas á colaboración local, puideron chegar a Cuzco, onde teñen o hotel.
A intención dos estradenses é coller mañá un avión entre Cuzco e Lima – ao parecer o tráfico aéreo interno xa se retomou- e o luns coller o avión que os levará desde a capital peruana ata Madrid.
Os mozos agradecen a colaboración do Departamento de Emigración da Xunta de Galicia e do alcalde da Estrada, José López Campos, que estiveron en contacto con eles “en todo momento”.
-
Folios brancos contra a censura
Nas últimas semanas, a poboación china saíu á rúa protestando contra o goberno de Xi Jinping. Estas manifestacións prodúcense despois de que morreran 10 persoas no incendio dun edificio que estaba confinado. Os cidadáns culpan ás estrictas restriccións covid que continúa habendo no país como as culpables das mortes.
Os manifestantes portan folios brancos, pero que significan?
Os folios en branco convertíronse nunha forma de protesta contra a censura e a falta de liberdade de expresión. Así, no último ano puidemos velos en China, Rusia e Irán. Esta é unha forma pacífica de loitar contra réximes represivos e autoritarios, que limitan as liberdades dos cidadáns.
Esta tendencia comezou coas manifestacións de Hong Kong en 2020, na que os cidadáns sostiveron follas en branco para protestar contra as novas leis de seguridade nacional da cidade.
Nesa ocasión, as autoridades prohibiran consignas e frases asociadas co movemento de protesta masiva, polo que os protestantes sostiveron os xornais en alto.
O xesto das follas en branco non só é unha declaración contra o silenciamento, senón que tamén é un desafíomás autoridades, porque “vanme deter por un cartel no que non pon nada?”
-
PHDn. Martes 13 de decembro
Arxentina clasifícase á final do Mundial e Estremadura e Portugal anegadas pola borrasca Efrain.
Xornal da Estrada 